2000 poul fèk rive sou fèm ITECA a

Soti 15 pou rive 17 jen 2009 Iteca vin genyen 2000 poul anplis pou ogmante pwodiksyon ze nan peyi a. Poul sa yo rive nan yon poulaye tounèf ki pi modèn pase sa ki te la avan yo

Fòmasyon sou pak kabrit ak manje Bèt nan Vèrèt

Soti 8 jen pou rive 9 Jen 2009Ssektè teknoloji ITECA a òganize yon fòmasyon pou manm regwoupman òganizasyon peyizanVèrèt yo .Fòmasyon sa a fèt sou :pak kabrit ak manje kabrit.Fòmasyon sa a òganize nan objektif pou ranfòse kapasite pwodiksyon peyizan nan domèn pwodiksyo animal. Ekip teknoloji a reflechi ak peyizan yo pandan 2 jou sou : diferan ras kabrit ki egziste ras ki bay plis vyannn ak ras ki bay plis lèt, pwoblèm kwazman kabrit menm fanmiy konn bay, yo reflechi tou sou manje kabrit ,ki kalite manje ki bi bon pou kabrit , ak nesesite pou peyizan aprann plante manje pou kabrit yo . Ekip teknoloji reflechi tou kijan pou peyizan pran swen k
abrit yo epi kontwole ak prezisyon lè kabrit merite kwoze ak lè yo gen pou mizba. Ekip teknolji pwofite vizite epi evalye ansanm ak peyizan yo yon pak kabrit yon peyizan nan zòn genyen pou gade ki j meyè fason pou konstwi yon pak.Apre fòmasyon chak patisipan resevwa yon kantite semans zèb pou al palnte bò lakay yo , nan objektif pou kòmanse montre lòt peyizan yo enpòtans ak nesesite pou plante zèb pou kabrit yo .Nou te rankontre Anri yon peyizan ki se yon peyizan modèl. Anri gen yon lakou ki mezire 60 mèt kare men lan lakou sa li gen 2 basen pwason , li gen yon bak kabrit , li 3 pye mango fransik , li pgen pye kafe,li gen pye kakawo,li plante kann ,li plante pwa ak mayi epi li plante zèb pou kabrit li yo. Ekip teknoloji a felisite Anri pou bon travay l ap fè nan kominote Dofine.

Divès òganizasyon peyizan reyini nan ITECA pou reflechi sou nesesite mete kanpe yon regwoupman

Soti premye 1 pou rive 2 Jen 2009 ITECA reyalize 2 jounnen travay ak Regoupman òganizasyon ki chita nan 5 komin nan 3 depatman kote li fè entèvansyon. Nan premye jounen refleksyon delege òganizasyon yo chita sou analiz reyalite zòn kote rewoupman yo tabli .Nan dezyèm jounen an yo reflechi sou chapant regwoupman yo ak aksyon yo deside menen epi nan ki mwa ki dat aksyon sa yo ap reyalize. Chak regwoupman nan chak komin Fanm apa miks apa al travay nan ti ekip pou jwenn pwoblèm ki gwav nan koninote yo .

Men diferan pwoblèm chak konin jwenn:Pou koni Sen Mak se pwoblèm tè a ki pi grav pou yo.Pou komin Savanèt se pwblèm Batistè , Vyolans sou Fanm ,kadejak ki pi gwo pwoblèm pou yo. Pou komin Akayè se pwoblèm Ewozyon al lasante ki pi gwo pwoblèm pou yo.Pou koni Gwomòn se gaspiyay fwi ak anpil ti òganizasyon ki gaye ki pi gwo pwoblèm pou yo. Pou koni Vèrèt se kout ponya ak elvaj lib ki pi gwo pwoblèm pou yo .Apre òganizasyon vin reflechi sou pwoblèm nan tèt ansanm komin pa komin yo chwazi ki solisyon yon jwenn pou pwoblèm sa yo .

yon poulaye tounèf nan Fèm ITECA

Iteca fèk fini ak kontriksyon yon poulaye tout nèf,poulaye sa a pral gen ladan l 2000 poul ki pou pwodui 1900 ze pa jou. Poulaye sa pral ogmante kapasite pwodiksyon fèm ITECA.Inisyativ sa a rantre nan pèspektiv pou ICTECA vin granmountèt dejouranjou.

Vizit elèv Christian Ville nan Ti Boukan

Mekrèdi 6Me 2009 plis pase 400 elèv ak pwofesè yo vizite sant fòmasyon ITECA Ti Boukan. Vizit sa a fèt nan kad aktivite òganize pou make dat premye Me a, objektif aktivite sa a se pou elèv nan Ti Boukan vin konnen ITECA pi byen, epi distribiye pye bwa bay elèv yo. Plizyè ekip ITECA akonpaye elèv yo pou vizite chak seksyon nan Sant lan tankou: espas pwodiksyon myèl, poulaye, pòcheri, jaden legim,pepinyè. Elèv poze anpil kesyon sou aktivite ITECA ap menen yo sou kochon yo ,poul yo ,ak pepinyè a ,elèv yo di nou yo byen kontan vizit la.Lanfen vizit nan chak elèv resevwa yon pye mango pou y al plante lakay yo .

Fòmasyon sou konsèvasyon sol ak òganizasyon patnè ITECA

Soti 4Me pou rive 8 Me 2009 plizyè delege òganizasyon patnè ki soti nan diferan komin ITECA ap travay yo tankou : Savanè, Sen Mak ( Pyat ), Akayè, ( Chen Mate), Vèrèt, Gwomòn, Gresye(Ti Boukan ) patisi pe nan yon fòmasyon sou sou konsèvasyon sòl nan Sant Fòmasyon ITECA a.Fòmasyon sa a fèt nan kad akonpayman ITECA ap Bay òganizasyon patnè li pou ogmante pwodiksyon yo.Tèm fòmasyon an se konsève tè nou pou nou ka jwenn plis manje.Objektif fòmasyon se pèmèt delege òganizasyon vin gen plis konesans nan nan fason pou yo konseve,trete epi pwoteje tè yoFòmatè te fè anpil travay pratik ak delege yo nan fèm ITECA: Tankou Ranp vivan , yon te fè konesans kèk nouvo zèb ki bon pou manje bèt men ki ka pwoteje tè tou . delege yo te vizite kèk tavay konsèvasyon sol ki te fèt nan lokalite a pou pote kritik sou. apre fòmasyon plizyè delege ale ak yon kantite semans zèb pou yal plante lakay yo pou bay bèt yo manje epi pwoteje tè yo

Premye Me nan Ti Boukan

Pou make jounen premye Me 2009 lan Iteca te envite 520 elèv,ki soti nan 4 lekòl ki nan lokalite Ti Boukan, komin Gresye pou vizite Sant Fòmasyon ITECA.Objektif vizit sa a se pou : fè elèv yo konnen ki aktivite k ap fèt nan Sant lan , fè yon sansibilizasyon ak elèv yo sou kesyon anviwonman, ankouraje yo plante pye bwa. Pou kòmanse yon moun nan ekip ITECA a te fè yon rale sou ITECA , ki aktivite ITECA ap mennen,ki kote ITECA travay. Yon lòt moun nan ekip la te pale enpòtans pye bwa nan anviwonman an epi ki jan pou yo plante ti pye bwa yo gen pou resevwa a.Elèv yo te divize an plizyè ekip pou vizite sant lan: nou te vizite ak elèv yo : rich myèl, pòchri,poulaye, jaden legim, pepinyè, sal reyinyon, dòtwa. Nan fen vizit la chak ti moun te resevwa yon ti pye mango pou yo al plante lakay yo.Padan tout vizit la ekip ITECA a bay elèv yo esplikasyon sou espas yo vizite epi reponn kesyon elèv yo poze.Dapre plizyè elèv se premye fwa yo vizite san ITECA a epi yo trè kontan vizit la.